PD: Vëllai shefit të policisë së djesjes 184, trafikant droge

WhatsApp-Image-2020-01-18-at-17.13.59.jpeg

 18/01/2020 17:41  

Enkelejd Alibeja nga selia e PD komentoi lidhjen mes një trafikanti droge arrestuar nga policia dhe vëllait të tij shef Policie.

Alibeaj thotë se vëllai i shefit të policisë, pjesë e dosjes 184, në krye të trafikut të drogës, provë e qartë se Edi Rama mbështet krimin për të vjedhur zgjedhjet

Deklarata e plotë
Arrestimi i përsëritur për trafik droge i Pajtim Agës së dosjes 184, përveçse dëshmon përshkallëzimin e fenomenit kriminal, konfirmon se krimi, trafiku i drogës dhe liria për të vepruar e kontingjentit kriminal ka mbështetjen e shtetit, të qeverise dhe policisë.
Kur krimi lidhjet me zgjedhjet, ai ka mbështetjen direkte të Edi Ramës.
Pajtim Aga, i arrestuari për trafik droge është vëllai i Robert Agës, drejtorit famëkeq të policisë së Dibrës në vitin 2016, i cili del në përgjimet e publikuara nga BILD si “ushtari i bindur” i Ministrit të Brendshëm Saimir Tahiri.
Ky është shefi i policisë që garantoi mbjelljen e Dibrës me hashash prej të vëllait, tani të arrestuar, i njëjti shef policie që terrorizoi qytetarët e Dibrës për të vjedhur votat e tyre, bashkë me Bablokun e krimit Edi Rama, Damian Gjiknuri, Sajmir Tahiri, Xhemal Qefalia, Ulsi Manja, Pjerin Ndreu e të tjerë.
E gjith kjo bandë vjedhësish votash, arriti që nën përdorimin e parasë, terrorit policor dhe administratës, të vidhnin votat e dibranëve. I madh e i vogël brenda e jashtë Shqipërisë janë njohur me bëmat e kësaj bande qeveritare, nga Zëri i Amerikës, nga Bild-i gjerman e media të tjera botërore.
I arrestuari recitivist për trafik droge dhe vëllai i tij shef policie në Dibër janë ekzekutues të realizimit të planit për vjedhjen e zgjedhjeve, për të cilin interesohej vetë Babloku Edi Rama.
Robert Aga ishte ai që merrte garanci nga kryeministri dhe ministri i brendshëm, që “të mos e çante kokën” për asgjë, mjaftonte që gostia e bandës qeveritare, me votat e vjedhura, të shantazhuara, të terrorizuara, të blera me paratë e drogës e kanabisit, të kënaqte babëzinë për pushtet dhe para të bandës qeveritare me në krye Bablokun.
Bildi gjerman tregoi fare qartë, ne shqip, anglisht dhe gjermanisht, batërdinë me zgjedhjet e Dibrës 2016, që ishin paradhoma e zgjedhjeve të vitit 2017.
Zëri i Amerikës konfirmoi terrorin mbi administratën deri në kupolën e qeverisë. Por në vend që hajdutët të ndëshkoheshin, Robert Aga u shpërblye me gradim në detyrë dhe i vëllai vazhdoi trafikun e drogës.

Nuk ka provë më të qarte, e më të freskët se kjo ngjarje për t’i kujtuar kujtdo brenda vendit e deri në Bruksel, Berlin e Paris, se plani i vetëm i Edi Ramës për zgjedhjet në Shqipëri është bashkëpunimi gjithnjë e më i fortë, gjithnjë e më i qëndrueshëm, me bandat e krimit dhe bosët e trafikut.
Kjo është një provë e freskët për Prokurorinë, veçanërisht për SPAK-un, se çështjet e korrupsionit të lidhura me krimin elektoral të blerjes së votave i ka përpara syve.
Mjafton që SPAK- u të ketë vullnet për të çuar para drejtësisë që nga trafikantët e rëndomtë të drogës që kanë vjedhur zgjedhjet, si Robert dhe Pajtim Aga, deri tek porositësit e masakrës së zgjedhjeve në Dibër Edi Rama, Damian Gjiknuri dhe Saimir Tahiri.

TEKNOFEST PËR HERË TË PARË NË SHKODËR

teknofest-ademi-bashkia-1024x538-1.jpg

Për herë të parë në qytetin e Shkodrës do të promovohet festivali I teknologjisë, TEKNOFEST i mundësuar nga instituti “Yunus Emre”. Omer Kokçam, drejtor I ekipit të teknologjisë në republikën e Turqisë, përmes një deklarate për mediat u shpreh se 2 edicionet e mëparshme të këtij festivali në Turqi kanë qenë tepër të suksesshme dhe numërojnë një numër rekord pjesëmarrësish.

Duke filluar nga nxënësit e deri tek të rriturit e apasionuar pas teknologjisë, mund të bëhen pjesë e këtij konkursi shprehet Kokçam ndërsa tregon edhe arsyen e këtij promovimi në qytetin e Shkodrës.

Aktiviteti promovues I këtij festivali zhvillohet këtë të premte, në pallatin e sportit “Qazim Dervishi”.

BALLA , AKUZAT E METËS JANË KAPRIÇO DHE HISTORI IDIOTESKE

balla1.jpg

Presidenti Ilir Meta vijon tu bëjë thirrje popullit që të dalë në protestë me datën 2 mars kunër qeverisë që ai e quan organizatë mafioze që ka kapur gjykatën kushtetuese dhe që po bën grusht shteti . Ndërsa kreu i grupit parlamentar Taulant Balla , u shpreh se deklaratat e Metës janë kapriço personale nga të cilat , ai duhët të heqë dorë pasi në mars Shqipëria i ka sytë tek çelja e negociatave me bashkimin europian , madje Balla duke e smofuar Metën u bëri thirrje mediave të mos harxhojnë kohë me këta histori idioteske .
Taulant Balla tha se mazhoranca nuk ka asnjë krizë me Presidentin, por ai ka krizë me vetën e tij , dhe se duhët të sqarojë nëse do të jetë President apo lider i bashkisë .
I pyetur nëse aksioni i Presidenti do të ndikojë në kompromisin e arritur me opozitën për reformën zgjedhore , Balla tha se kjo i akon opozitës dhe se deri më tani bashkpunimi me të ka ecur mjaftë mirë . Këtë deklaratë Taulant Balla e bëri pas takimit me eurodeputeten dhe raportuesen për Shqipërinë në Parlamentin Europian Isabel Santos, me të cilën diskutoi për metodologjinë e re të Bashkimit Europian per negociatat . Balla tha se këshilli i 26 marsit do të jetë një moment i rëndësishëm ku pritshmëritë janë që Shqipëria dhe Maqedonia e Veriut të marrin dritën jeshile për negociatat .

KORONAVIRUSI I RI , KONTROLLI NË PORTIN E SHËNGJINIT .

SHENGJIN.jpg

Të gjitha anijet që vijnë nga vendet perëndimore për tu përpunuar në portin e Shëngjinit, kontrollohen imtësisht nga autoritetet portuale dhe ato shëndetësore. Këto masa sigurie kanë ardhur si mënyre parandalimi, pas përhapjes së koronavirusit të ri kryesisht në Kinë.
Drejtori i Portit të Shëngjinit Gjergj Prendi ka bërë të ditur se deri tani nuk janë konstatuar raste të dyshuara me koronavirus, ndërsa kontrollet do të jenë prezente deri në tejkalimin e kësaj situatë .
Në portin e Shëngjinit hyjnë vetëm anije transporti pa pasagjer , dhe kontrolli behet tek personat që ndodhën në ekuipazh,që janë shtetas të vendeve të ndryshme të Europes .

scroll to top