Rama tregon prioritetet per Shqiperine.

Shqipëria do t’i ketë shpejt satelitët e saj dhe dronët e saj inteligjentë. Kryeministri Edi Rama u shpreh i vendosur para gazetarëve për dërgimin e satelitëve, që sipas tij do të shërbejnë për kontrollin dhe administrimin e territorit të vendit për të monitoruar emergjencat civile, zjarret por edhe luftën kundër krimit, por përjashtoi veprimet ushtarake.

“Kini durim. Qeshni, Shqipëria do të ketë satelitë për të forcuar kontrollin mbi territorin dhe do të ketë edhe dronin inteligjent për ta çuar vendin në nivel tjetër administrimi të territorit të vet dhe këto janë mjete të një teknologjie të re që garantojnë monitorim të territorit, që nga kufijtë ndërtimet, monitorimi i lidhur me informacionin që i duhet strukturave të shtetit kundër trafiqeve dhe përpjekjve për të zeruar plotësisht kultivimin e narkotikëve dhe për shumë çka dhe për të luftuar krimin e organizuar duke pasur kapacitete monitoruese të paimagjinueshme dhe për të lehtësuar marrëdhëniet në territor dhe që shpeshherë kompromentohen nga inspektorë e punonjës policie të korruptuar. Dhe e mira e kësaj kohe të teknologjisë së lartë nuk ka neovjë të jesh vend i zhvilluar për këtë kapërcim epokal. Shqipëria do t’ i ketë shpejt satelitët e saj dhe dronët e saj inteligjentë. Për zjarret, për emergjencat civile dhe përdorimi i këtyre mjeteve do të jetë çështje që kanë të bëjnë me punët civile të vendit dhe luftën kundër krimit të organizuar jo për veprime apo ofensive ushtarake” .

Ju gjithashtu mund të pëlqeni

Rama pas mbledhjes së kryesisë: Punësimet dhe drejtoritë nuk janë pronë e PS. Do na garantojë kalimin në një nivel tjetër të…

15th October 2021

I pyetur nga Gazetaret se a janë të nevojshëm satelitët në në vend që nuk përmbush furnizimin me 24 orë ujë Rama u përgjigj:

“ Po t’ ju them që satelitët lidhen edhe me ujin ç’ do thoni ju? Të gjitha bashkë. Meqe nuk kemi ujë 24 ne nuk duhet të kemi satelitë? Do të kemi kontroll mbi lumenjtë dhe do të identifikojmë çdo ndërhyrje të paligjshme në Shqipëri do të kemi kontroll edhe mbi mjedisin, duke verifikuar në kohë relae çdo cenim të mjedisit sa i përket mbetjeve dhe prerjes së pyjeve. Ne nuk do të bëjmë kërkime në mars, por na duhen sy inteligjentë për të pasur në kohë reale informacion mbi vendin tonë dhe identifikuar në kohë reale çdo ndërtim pa leje në Shqipëri” .

Post Views: 255