Ka folur ish-kreu i Partisë Socialiste në Vaun e Dejës, Nikolin Huba 54-vjeç, i cili mbeti i plagosur me armë zjarri mëngjesin e sotëm në Shkodër.
Ai mësohet se ka thënë që u qëllua nga një dy persona që lëviznin me një motor. Sipas tij autorët mbanin skafandra në kokë dhe nuk ka mundur t’i identifikojë.
Si pasojë e të shtënave me të paktën 5 plumba, Nikolin Huba u plagos në këmbë dhe është jashtë rrezikut për jetën.
Ngjarja është regjistruar rreth orës 10:15, pranë Shkollës Pyjore në qytetin verior të vendit. Raportohet se i plagosuri aktualisht është anëtar i Këshillit Bashkiak në Shkodër ndërsa punon në HEC-in e Komanit.