Një aksident ka ndodhur këtë mesditë në Qafën e Llogarasë.
Një makinë ka dalë nga rruga dhe është përmbysur, duke përfunduar në greminë.
Në mjet kanë qenë dy persona, të cilët fatmirësisht kanë shpëtuar por me lëndime të lehta.
Njoftimi i Policisë
Sot, rreth orës 13:00, në sheshpushimin e parashutave, në Llogara, një automjet me drejtues shtetasin A. S, duke parkuar mjetin me indietro, ka dalë nga rruga, për pasojë janë dëmtuar lehtë drejtuesi i mjetit dhe pasagjeri, të cilët kanë marrë ndihmë mjeksore në vend. Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.