Sekuestrohet mbi 1 kg kokainë në Durrës, 4 në pranga. 37-vjeçari godet makinën e policisë dhe tenton të nxjerrë armën, por…

Film aksion në Durrës, ku është finalizuar nga policia operacioni i koduar “Nënkalimi” dhe është sekuestruar 1 kg kokainë. Katër persona janë arrestuar, dy prej tyre me precedentë të theksuar kriminal për vrasje, mbajtje të ambienteve për prostitucion dhe prodhim dhe shitje të narkotikëve, teksa një 37-vjeçar ka goditur makinën e policisë dhe ka tentuar të nxjerrë armën nga brezi.

Në zbatim të Planit të Masave të hartuar nga Drejtoria e Përgjithshme e Policisë së Shtetit “Për kontrollin e territorit, parandalimin e ngjarjeve kriminale, kapjen e autorëve që mbajnë armë zjarri pa leje dhe personave në kërkim”, nga strukturat e Drejtorisë Vendore të Policisë Durrës, nën drejtimin e Prokurorisë së Rrethit Gjyqësor Durrës, u bë i mundur finalizimi i operacionit të koduar “Nënkalimi”, në kuadër të të cilit u arrestuan në flagrancë shtetasit: Arian Plaku, 46 vjeç, banues në Durrës, i dënuar më parë për veprën penale “Prodhimi dhe shitja e narkotikëve”;
Edmond Gjyzeli, 37 vjeç, banues në Durrës.

Ju gjithashtu mund të pëlqeni

Atentati në Elbasan, shkon në dy numri i viktimave

4th October 2021

COVID19 i merr jetën efektivit të policisë rrugore Shkodë.

1st October 2021

“Unë nuk jam për t’u kontrolluar”, fjalët që i tha 21-vjeçari. Gjithçka që ndodhi dje në Lezhë, nga përballja me makinën ku ndodhej autori, tek gjetja e tij me plumb në kokë

29th September 2021

Ndërron jetë te Trauma autori 21-vjeçar Aldi Rama, Qëlloi veten pasi vrau policin në Lezhë

29th September 2021

Qëlloi veten me plumb në kokë, niset me urgjencë drejt Tiranës autori i vrasjes së oficerit të Krimeve

28th September 2021

Policia e Shtetit kërkon ndihmën e qytetarëve për kapjen e autorit: 20 mijë euro shpërblim për informacione të vlefshme

28th September 2021

Arrestimi i këtyre shtetasve u bë bazuar në informacionet e siguruara në rrugë operative për implikimin e këtyre shtetasve në veprimtarinë kriminale të shitjes së lëndëve narkotike në Durrës.

Fillimisht, shërbimet e Policisë, rreth orës 14:15, në vendin e quajtur “Nënkalimi i Urës së Dajlanit”, kanë ndaluar mjetin tip “BMW”, me drejtues shtetasin Edmond Gjyzeli dhe pasagjer shtetasin Arian Plaku. Gjatë kontrollit në mjet, në pjesën e poshtme të sediljes, shërbimet e Policisë gjetën dhe sekuestruan në cilësinë e provës materiale 1 kg e 63 gr. lëndë narkotike të dyshuar kokainë. Në momentin e ndalimit, gjatë kontrollit fizik, shtetasit Edmond Gjyzeli iu gjet në brez një armë zjarri pistoletë me 14 fishekë. Ky shtetas, gjatë ndalimit të mjetit nga forcat e Policisë, ka goditur automjetin e agjentëve të Forcës së Posaçme Operacionale me automjetin e tij dhe gjatë arrestimit, ka tentuar të nxjerrë nga brezi armën e zjarrit.

Gjithashtu, në vijim të operacionit dhe mbajtjes nën vëzhgim nga agjentët e Forcës Operacionale në lagjen nr. 13, Plazh, Durrës, u arrestuan në flagrancë shtetasit: Ilir Peraj, 52 vjeç, banues në Tiranë, i dënuar më parë për veprat penale “Vrasja” dhe “Mbajtja e ambienteve për prostitucion” dhe Stavri Marku, 60 vjeç, banues në Tiranë, pasi janë të dyshuar si të implikuar në këtë veprimtari kriminale.

Në cilësinë e provës materiale u sekuestruan 1 kg e 63 gr. lëndë narkotike e dyshuar kokainë, 1 armë zjarri pistoletë me 14 fishekë, 4 aparate celular dhe 2 automjete.

Nën drejtimin e Prokurorisë së Rrethit Gjyqësor Durrës vijon puna për kapjen e personave të tjerë të përfshirë në këtë veprimtari kriminale.

Materialet i kaluan Prokurorisë së Rrethit Gjyqësor Durrës, për veprat penale “Prodhimi dhe shitja e narkotikëve” dhe “Armëmbajtja pa leje”.