Live TV
“Çdo person, i cili lëviz me armë pa leje, do të arrestohet”.
Ky është ultimatumi të cilin drejtori i Përgjithshëm i Policisë së Shtetit u ka dhënë vartësve të tij.
Ju gjithashtu mund të pëlqeni
Vetëm në 5 muajt e parë e këtij viti nga policia janë sekuestruar 500 armë të llojeve të ndryshme.
Ndërsa numri i personave të cilët janë arrestuar për këtë vepër penale llogaritet të jetë 400.
Në të shumtën e rasteve policia ka sekuestruar armë të vjetra, të cilat janë marrë vite më parë nga depot e armatimit.
Por së fundmi, sipas burimeve policore, po vihet një rritje e armëve të cilat janë model më i ri.
Pak kohë më parë nga ana e policisë u zbuluan 18 baza armatimi dhe u arrestuan 9 persona.
Në këtë fabrikë modifikimi policia pas verifikimeve rezultoi se ishin armë të sofistikuara, ku disa prej tyre janë dërguar për ekspertizë për të parë nëse janë përdorur në ngjarje kriminale.
Ndërkohë për sa i përket personave që kërkojnë të regjistrojnë armën e gjahut apo atë sportive, data e fundit është lënë 31 dhjetori.
Fillimisht u caktua 31 maji, por ky afat u shty duke qenë se policia ishte e angazhuar në zgjedhje.
Disa muaj më parë në Komisionin Parlamentar të Sigurisë, mazhoranca propozoi një amnisti për dorëzimin e armëve në mënyrë vullnetare, ndërsa pritet që ky projektligj të miratohet nga Kuvendi i ri.
http://www.kopliku.tv
Call +355 211 22840