Live TV
Një ngjarje e rëndë ka tronitur plazhin e Radhimës mesditën e kësaj të hëne. Një 49-vjeçar me profesion mjek është gjetur i pajetë në shezlongun e tij teksa pushonte në bregdet.
Sipas njoftimit të policisë, bëhet fjalë për mjekun e Spitalit të Korçës, njëherazi përgjegjës i shërbimit të urgjencës, Kujtim Shabani i cili dyshohet se ka ndërruar jetë nga një arrest kardiak.
Ju gjithashtu mund të pëlqeni
Mjeku ishte me pushime në Radhimë së bashku me familjen e tij. Me gjithë ndërhyrjen e shpejtë të bluzave të bardha për ta rianimuar, ka qenë e pamundur që mjeku Shabani të mbahej në jetë. Prej shumë vitesh mjeku Kujtim Shabani iu ka shërbyer qytetarëve korçarë dhe jo vetëm.
Prej gati dy vitesh, mjeku Kujtim Shabani ka trajtuar me profesionalizëm qindra e qindra qytetarë të juglindjes së vendit të infektuar me COVID-19.
Falë aftësisë dhe trajtimit që mjeku ju ka bërë pacientëve me Covid-19, shumë prej tyre gëzojnë shëndet të plotë.
Me vdekjen e mjekut Kujtim Shabani, Spitali i Korçës ka humbur një prej vlerave të mjekësisë, njeriun më human të bluzave të bardha. Korça ka humbur njeriun më të dashur.
Njoftimi i policisë:
Sot, rreth orës 12:35, në plazh, Radhimë, është gjetur pa shenja jete në shezlong, shtetasi K. Sh., 49 vjeç, banues në Korçë, i cili nga të dhënat e para dyshohet se ka ndërruar jetë për shkaqe natyrale. Grupi hetimor vijon punën për zbardhjen e plotë të rrethanave të ngjarjes.
http://www.kopliku.tv
Call +355 211 22840