Live TV
Tek ndeshja e mbrëmshme e futbollit kanë vërshuar në fushë jo vetëm emocionet e një beteje spektakolare, por po ashtu të gjitha ndjesitë për padrejtësitë që provojmë çdo ditë në jetën tonë.
Parakaluan aty triumfalizmi pa meritë, lavdia pa arsye e suksesi i pabazë.
Ju gjithashtu mund të pëlqeni
Tek Danimarka secili mund të shohë dikë që përpiqet, rreket, lodhet dhe që me personalitet dhe karakter ja del të dominojë.
Ndërsa Anglia që gëzonte venerimin pa shkak, i ngjante atij djalit të llastuar që mes privilegjesh noton, i cili ka arritur shumë falë parave të të atit, dhe ja del të fitojë zemrat që ditën e parë, pa qënë nevojë të djersijë asnjë dekikë, sepse ka trashëguar perandorinë që e paketon si joshës automatikisht. Danimarka mori pjesë në një konkurs ku vendi mesa duket ishte i zënë, me gjithë shkëlqimin që tregoi në 120 minuta.
Ndeshja e mbrëmshme ishte kujtesë për të gjithë ata që kanë vuajtur nga garat fiktive, dhe nga shtigjet e mbyllura për shkak të elitave të fuqishme, apo lidhjeve okulte.
Pas rezultatit sidoqoftë ka një bilanc.
“Spoiled boy” e kapi finalen gjithë duke shtuar skepticizmin, kontestimin dhe me rënie të krediteve në publik, ndërsa modesti i talentuar që la shpirtin në fushë, u kthye në shtëpi po e sigurtë se ka sot më shumë ndjekës, më shumë mbështetës, dhe më shumë dashuri.
Vetëm se në futboll vendos rezultati, dhe janë ato pikët e mallkuara që kanë vlerë. Siç edhe në të përditshmen tonë, janë milionat që të hapin dyert e të japin pushtet.
http://www.kopliku.tv
Call +355 211 22840