Mungonte prej 10 vitesh në Kupat e Evropës, Vllaznia e pëson keq në ndeshjen e parë

Ashtu si Teuta në Champions League dhe Laci, edhe Vllaznia e pëson në ndeshjen e parë në Conference League. Shkodranët u mposhtën 3-1 në transfertë nga boshnjakët e Shiroki Brijeg.

Stanic ishte ai që hapi serinë e golave për vendasit në minutën e 43-të. Kapiteni realizoi një penallti pas një gabimi të Gurishtas. Me kaq u mbyll pjesa e parë, ku shkodranët shumë pak u dukën në zonën e boshnjakëve. Në fillimin e pjesës së dytë është sërish Stanic që realizon, edhe kësaj here me penallti. Kësaj here është Krymi që shkakton 11-metërsh dhe mesfushori vendas nuk fal edhe për herë të dytë. Ardit Hoxhaj trondit traversën, madje shkodranët pretendojnë se topi gjatë rënies ka kaluar vijën fatale, por nuk ka gol. Dhe po nuk shënove e pëson. Boshnjakët në 71’ shënojnë edhe golin e tretë me Lukic. Krymi në minutën e 89-të merr kartonin e dytë të verdhë dhe lë të tijtë me 10 vetë, Megjithatë, Vllaznia gjen golin në shtesë me Çobën. Mbyllet 3-1, me shkodranët që duhet të fitojnë 2-0 e sipër në ndeshjen e kthimit.

Ju gjithashtu mund të pëlqeni

“Shqipëria nuk ka pasur ndonjëherë lojtar si Broja”, Duka: Për Poloninë janë shitur 22 mijë bileta, por nuk dalin…220 mijë

9th October 2021

Shqipëria mposht Hungarinë edhe në Budapest dhe mban ndezur ëndrrën për Botërorin. Super Armando Broja!

9th October 2021

Florian Marku fiton titullin e parë në karrierë, mposhti ukrainasin Prodan

25th September 2021

Festival golash, Vllaznia e nis me “manita” ndaj Laçit, Tirana shpërbën Skënderbeun me “poker”

11th September 2021

Kombëtarja shqiptare e pafuqishme, mundet 4-1 nga Polonia

2nd September 2021

“Loro Boriçi” nuk mjafton, përfundon ëndrra e Vllaznisë, AEL Limassol kalon në turin e tretë

29th July 2021