Konfirmohen dy raste të variantit Delta në Kosovë

Konfirmohen dy raste të variantit të koronavirusit Delta në Kosovë. 

Lajmi është bërë i ditur nga Ministria e Shëndetësisë së Kosovës. Nga 22 mostra të dyshimta që ishin dërguar për analizë në Berlin, 2 prej tyre u dolën pozitive me variantin Delta.

Ju gjithashtu mund të pëlqeni

Komiteti Teknik i Ekspertëve vendosi të heqë orën policore, duke lehtësuar disi masat anti-Covid në vend, për shkak se situata epidemiologjike paraqitet më e qetë.

2nd March 2022

C19: ne 24 oret e fundit 5 viktima. mbi 2000 raste te reja

25th January 2022

Covid 19 ne Shqiperi, 6 viktima dhe mbi 2000 raste te reja

11th January 2022

Ministria e Shëndetësisë: 263 qytetarë të infektuar dhe 2 humbje jete në 24 orët e fundit

12th December 2021

Situata e COVID-19

2nd December 2021

Komiteti i Ekspertëve ndalon udhëtimet me 5 shtete të Afrikës së Jugut: Studentët nga 4 janari me pasaportë vaksinimi. Vaksinë me detyrim edhe për …

2nd December 2021

Sot kemi pranuar të dhënat nga 22 mostrat pozitive të dërguara në Institutin e Virologjisë të Klinikës Unversitare Charite në Berlin, prej të cilave janë identifikuar 2 (dy) mostra me variantin Delta (B.1.617.2) të SARS-CoV-2. Të dy rastet kanë shfaqur simptoma, mirëpo tashmë janë shëruar dhe gjenden në shtëpi. Izolimi i tyre ka përfunduar. Ekipet e Institut Kombëtar të Shëndetit Publik, tashmë kanë gjurmuar të gjitha burimet dhe kontaktet e mundshme për të parandaluar përhapjen e mëtutjeshme të rasteve”, njofton MSH.

MSH thekson se varianti Delta u detektua për herë të parë në Indi në dhjetor të vitit 2020, i cili sot është njëri prej varianteve më te rrezikshem në rruzullin tokësor. Hulumtimet e gjertanishme sugjerojnë se mund të jetë varianti që përhapet më së shpejti edhe më ngjitës sesa Alpha (U.K/B.1.1.7). “Masat parandaluese janë të njëjta. Individët të cilët rezultojnë pozitiv duhet të qëndrojnë në shtëpi për të parandaluar përhapjen në familje dhe në komunitet. Me zvogëlimin e kontakteve, do të mundësohet ndërprerja e përhapjes së infeksionit. IKSHPK përsërit thirrjen për zbatimin e të gjitha masave të përgjithshme dhe specifike për mbrojtjen nga pandemia COVID-19 dhe zbatimin e masave të Qeverisë së Republikës së Kosovës”, thekson MSH.