Ministria e Shëndetësisë: 3 raste të reja dhe 1 humbje jete në 24 orët e fundit

Ministria e Shëndetësisë njofton se gjatë 24 orëve të fundit, në vendin tonë janë shënuar 3 persona të infektuar me COVID-19. 

Nga krahu tjetër, për fat të keq, nuk e ka fituar betejën me virusin një 73-vjeçar.

Sa i përket të infektuarve, 2 janë regjistruar në qytetin e Elbasanit dhe 1 tjetër në Tiranë. 

Lajmi mirë është se 7 qytetarë janë shpallur të shëruar, duke e çuar këtë numër, që prej fillimit të pandemisë në 129,982 persona. 

Njoftimi i plotë i Ministrisë së Shëndetësisë:

Ministria e Shëndetësisë dhe Mbrojtjes Sociale ju bën apel qytetarëve të vijojnë të zbatojnë me përpikmëri rregullat për parandalimin e COVID19 dhe të mos neglizhojnë asnjë shenjë të sëmundjes. Për çdo dyshim, kontaktoni me mjekun tuaj të familjes ose telefononi Urgjencën Kombëtare në numrin unik 127. 

Në 24 orët e fundit janë kryer 3853 testime, nga të cilat kanë rezultuar positivë me Covid19 tre qytetarë: 2 raste në Elbasan dhe 1 rast në Tiranë.
Aktualisht janë 71 pacientë aktivë me COVID19 në vend.
Një 73 vjeçare e ka humbur betejën me COVID-19 në 24 orët e fundit, ndërsa vetëm 1 pacient po trajtohet në Spitalin Infektiv.
Janë shëruar 7 qytetarë gjatë 24 orëve të fundit, duke e çuar numrin e të shëruarve në 129,982 që nga fillimi i epidemisë.