Ministria e Shëndetësisë: Asnjë humbje jete, 11 të shëruar dhe 2 raste të reja në 24 orët e fundit

Ministria e Shëndetësisë, njofton se gjatë 24 orëve të fundit janë regjistruar 2 të infektuar me COVID-19. 

Nga krahu tjetër për fat të mirë, nuk është regjistruar asnjë viktimë nga virusi.

Lajmi i mirë është se gjatë kësaj intervali kohor janë shpallur 78 qytetarë të shëruar. 

Njoftimi i Ministrisë së Shëndetësisë:

Ministria e Shëndetësisë dhe Mbrojtjes Sociale ju bën apel qytetarëve të vijojnë të zbatojnë me përpikmëri rregullat për parandalimin e COVID19 dhe të mos
neglizhojnë asnjë shenjë të sëmundjes.

Për çdo dyshim, kontaktoni me mjekun tuaj të familjes ose telefononi Urgjencën Kombëtare në numrin unik 127.

Në 24 orët e fundit janë kryer 2803 testime, nga të cilat kanë rezultuar positivë me Covid19 dy qytetarë: 1 rast në Tiranë dhe 1 në Vaun e Dejës.
Aktualisht janë 78 pacientë aktivë me COVID19 në vend. 

Po marrin trajtim spitalor të specializuar 3 pacientë, njëri prej të cilëve është në terapi intensive.
Në 24 orët e fundit nuk ka asnjë humbje jete me Sars-Cov2 pozitiv. Janë shëruar 11 qytetarë gjatë 24 orëve të fundit, duke e çuar numrin e të shëruarve në 129,966 që nga fillimi i epidemisë.