Shkatërrohet banda shqiptaro-italiane e kokainës

Një grup prej 29 personash, mes tyre 3 shqiptar, që akuzohen për trafik droge janë goditur nga policia italiane.

Mësohet se gjatë orëve të para të mëngjesit të djeshëm karabinierët ekzekutuan urdhrin e lëshuar nga gjykata për 7 persona “arrest me burg”, 10 në “arrest shtëpie”, 3 “ndalim qëndrimi” dhe 5 “detyrim paraqitje”. Ndërkohë për 3 persona të tjerë masa e sigurisë u refuzua ndërsa për një të katërt u anulua.

Ju gjithashtu mund të pëlqeni

5 mars: Armëpushim i përkohshëm në 2 qytete ukrainase

5th March 2022

Konflikti Rusi-Ukrainë, nafta shkon 120 dollarë për fuçi

3rd March 2022

COVID-19 në Itali, 5.315 të infektuar dhe 49 viktima gjatë 24 orëve të fundit

5th September 2021

Nga 5 shtatori! Gjermania fut Shqipërinë në listën e vendeve me rrezik të lartë prej COVID-19, ja rregullat e reja

3rd September 2021

Alarm për bombë afër Capitol Hill, Policia rrethon kamionin me autorin e dyshuar

19th August 2021

COVID-19 në Itali, rriten infektimet, regjistrohen 22 viktima gjatë 24 orëve të fundit

7th August 2021

Prokurori i Frosinone Antonio Guerriero në një reagim tregon se “gjatë hetimeve u zbulua rrezikshmëria e grupit, të cilët me veprimtarinë e tyre të lulëzuar kriminale, kanë gjeneruar një alarm të dukshëm shoqëror në qytetin e Frosinone dhe komunat fqinje”.

Sipas mediave Italiane po ashtu ditën e djeshme janë ekzekutuar 20 urdhra për kontroll në banesë, ku u përdorën qen anti-drogë dhe helikopter.

Raportohet se gjykata ka dhënë masën e sigurisë arrest me burg për Ivano Lanzone, 41 vjeç nga Castrovillari, Artan Cela, 46-vjeç shqiptar, Gualjot Isaj 38-vjeç shqiptar nga Frosinone, Francesco Marcoccia, 36-vjeç nga Frosinone, Giovanni De Luca, 50 –vjeç nga Frosinone, Loris Iannoni, 31 –vjeç nga Supino dhe Mariannina Micera, 66 –vjeç nga Frosinone.

“Arrest shtëpie” është dhënë për Rachid Nadif, 41 –vjeç marokenë nga Frosinone, Davide Mulazzi, 29-vjeç nga Roma, Adriano Battista, 41-vjeç nga Fondi, Ivan Cupido, 21-vjeç nga Frosinone, Olsjion Koka, 35-vjeç shqiptar nga Frosinone, Roberto Ciotoli, 28-vjeç nga Frosinone, Stefano Marini, 24-vjeç nga Frosinone, Mattia Nobili, 29-vjeç nga Torrice, Mariano Tiberia, 31-vjeç nga Frosinone dhe Gianluca Arduini, 40-vjeç nga Torrice.

Aktiviteti hetimor filloi në 18 maj 2019 pas seancës dëgjimore, nga Karabinierët e Supino dhe Norma e Frosinones, të një personi të cilët zbuluan se ai po përdorte kokainë. Kështu ai u vu në përgjim.

Nga kjo, shkruan magjistrati hetues Ida Logoluso në urdhrin e paraburgimit, “është arritur identifikimi progresiv i të dyshuarve të tjerë, të gjithë të përfshirë, për arsye të ndryshme, në një aktivitet të madh të tregtimit të drogës”, kokainë, hashash dhe marihuanë.

Sipas hetuesve ata përdornin një gjuhë me kode për të mos u kuptuar nga policia. Megjithatë pas përgjimeve policia arriti të kapte një sasi prej 5 kg kokainë me vlerë 200 mijë euro ku edhe ranë në pranga 4 persona të grupit.