Live TV
Zbardhet vendimi i dënimit të kryebashkiakut të Mallakastrës, në Greqi. Qerim Ismailaj, në vitin 1999 punonte në ndëtim në shtetin fqinj, në një ishull. Më konkretisht ai punonte e jetonte në ishullin grek Hiot.
Pronari që e kishte punësuar në atë kohë nuk e kishte paguar atë për një punë të bërë, për të cilën duhej të jepeshin një shumë e konsiderueshme parash.
Ju gjithashtu mund të pëlqeni
Biznesmeni grek dhe kryebashkiaku i Mallakastrës janë takuar dhe janë përplasur fizikisht mes tyre. Në momentin e sherrit greku është rrëzuar e ka përplasur kokën në kalldrëm duke marrë plagë.
Pas kësaj ai bëri kallëzim në polici, dhe menjëherë policia greke arrestoi Ismailajn, duke e dënuar atë me tre vite burg, dënim të cilin Ismailaj e kishte fshehur në formularin e dekriminalizimit që kishte dorëzuar në KQZ, gjatë zgjedhjeve lokale të 2019-ës.
Hetimet për Ismailajn nisën nga sektori për Dekriminalizimin në Prokurorinë e Përgjithshme pas një denoncimi të bërë nga Sekretari i Përgjithshëm i Partisë Demokratike, Gazment Bardhi.
Prokurorisë iu desh më shumë se 1 vit e gjysmë kohë që të shprehej për rastin në fjalë, ndërkohë që nuk dihet ende si do të procedohet për mandatin e Qerimajt, dhe nëse ai do t’i kalojë nënkryetarit të Bashkisë, siç është proceduar në rastin e Vorës, pas shkarkimit të Agim Kajmakut.
info@kopliku.tv
http://www.kopliku.tv
Call +355 211 22840