Ambasadori i Prezencës së OSBE-së në Shqipëri i dorëzon Drejtorit të Përgjithshëm të Policisë së Shtetit, pajisje teknologjike për Policinë Kufitare.

Mesditën e sotme, në ambientet e Drejtorisë së Përgjithshme të Policisë së Shtetit u zhvillua një ceremoni me pjesëmarrjen e drejtuesve të lartë të Policisë së Shtetit dhe të ambasadorit të Prezencës së OSBE-së.
Drejtori i Përgjithshëm i Policisë së Shtetit Ardi Veliu ka falënderuar ambasadorin, z. Vincenzo Del Monaco, për mbështetjen e vazhdueshme për strukturat e Policisë së Shtetit, veçanërisht për ato të kufirit dhe migracionit.
Vincenzo Del Monaco vlerësoi marrëdhënien mjaft të shkëlqyer mes Policisë së Shtetit dhe Prezencës së OSE-së në Shqipëri. Ai u shpreh se së fundmi kishte vizituar disa prej pikave të kalimit kufitar në vend dhe ishte impresionuar nga profesionalizmi i drejtuesve dhe punonjësve të Policisë Kufitare. Gjithashtu, ambasadori ka vlerësuar rezultatet e arritura nga Policia e Shtetit, në drejtim të goditjes së veprimtarisë kriminale në të gjitha fushat që ajo shfaqet.
Prezenca e OSBE-së në Shqipëri, në vijim të mbështetjes së vazhdueshme për Policinë e Shtetit, dhuroi sot për Policinë Kufitare disa pajisje IT, përfshirë laptopë, video-projektor, printer multifunksional dhe ekrane projektimi.
Pajisjet janë pjesë e një projekti për të ndihmuar Policinë Kufitare, për të përmirësuar kapacitetet trajnuese dhe për t’u adoptuar me metodat e komunikimit online. Këto pajisje do të shpërndahen në Drejtoritë Vendore për Kufirin dhe Migracionin.
Prezenca e OSBE-së do të vazhdojë mbështetjen për Policinë e Shtetit, për të mundësuar një sistem menaxhimi të mësimit online, si dhe blerjen e një licence Zoom.

Ju gjithashtu mund të pëlqeni

Nga sot shqiptarët mund të udhëtojnë drejt Italisë me rregullat e reja, Ministria e Jashtme jep udhëzimet, nga formulari PLF tek karantina, çfarë duhet të dini

31st July 2021

Berisha i prerë: Do të ulem krenarisht në parlament! Fola me Bashën pas deklaratave të ambasadores së SHBA, një parti meriton të mos ekzistojë nëse…

30th July 2021

“ Të ndarë jemi të vegjël”, Rama në Forumin Ekonomik: Bashkimi i Rajonit duke ndjekur 4 liritë themelore të BE, do të ketë më shumë perspektivë dhe paga të mirëpaguara

29th July 2021

Policia Rrugore nuk fal, vendos 2150 gjoba – arreston 8 shoferë

28th July 2021

Bie numri i doktorantëve të rinj, pas 2018 tre herë më pak diploma

28th July 2021

DASH raport për klimën e biznesit: Në Shqipëri, problem korrupsioni në gjyqësor e mungesa e transparencës në prokurime

27th July 2021