Rama jep lajmin: Në 15 korrik nisin fluturimet nga aeroporti i Kukësit

Kryeministri Edi Rama të premten është ndalur sërish tek aeroporti i Kukësit, duke iu përgjigjur skeptikëve se asgjë nuk bëhet për fushatë.

Përmes një postimi në ‘Facebook’ Rama thekson se nga 15 korriku do te nisin nga puna disa linja, ndersa ka nxjerrë dhe çmimet e biletave për linjat Kukës-Zyrih dhe anasjelltas, si dhe për në Stamboll.

“Se ç’ishin ca miq që thoshin Aeroporti Ndërkombëtar i Kukësit ishte sa për fushatë, po unë s’bëj asgjë sa për fushatë dhe çfarë bëj e them e çfarë them e bëj, kështu që bujrum me Air Albanian në portën e hapur të qiellit të Kukësit”, thuhet në mesazhin e kryeministrit.