Ish-ministrit të Mjedisit, Lefter Kokës në Durrës i është vendosur tritol me dron.

Biznesit të ish-ministrit të Mjedisit, Lefter Kokës në Durrës i është vendosur tritol me dron. Ngjarja ka ndodhur dy ditë më parë në kantinën e pijeve “Gjergj Kastrioti”. Uniformat blu bëjnë me dije se nga shpërthimi i lëndës eksplozive janë shkaktuar dëme të vogla materiale.

Policia njofton se kanë kapur autorin e dyshuar, Gentian Meta 44 vjeç, banues në Shijak. Sakaq, është arrestuar edhe B. Z., 34 vjeç, banues në Shetaj, Durrës, menaxher i lokalit në pronësi të autorit pasi nga kontrolli i ushtruar në automjetin e tij, shërbimet e Policisë gjetën dhe sekuestruan në cilësinë e provës materiale një armë zjarri pistoletë, me një karikator me 7 fishekë luftarakë.

Ju gjithashtu mund të pëlqeni

U kap me kallashnikov dhe kanabis, arrestohet i riu në Shkodër

26th September 2021

Shpërthimi i bombolës, humb jetën dhe nëna e vajzave, një i mbijetuar

16th September 2021

Shuhet kryerapsodi më i spikatur i Dukagjinit Mhill Çuni

10th September 2021

Thellohet bilanci i viktimave nga zjarri në spitalin Covid në Tetovë, shkon në 14 numri i të vdekurve. Prokuroria: Disa trupave do iu bëhet ADN-ja

9th September 2021

“Laboratori”/ Pajisnin udhëtarët me teste të shpejta COVID-i pa licencë, 5 të arrestuar në Durrës, 1 në kërkim

5th September 2021

Ndahet nga jeta në moshën 86-vjeçare kolosi i humorit shkodran, Paulin Preka

4th September 2021

Gjithashtu është proceduaar penalisht edhe vëllai i autorit të dyshuar të ngjarjes, A. M., 46 vjeç, banues në Shijak, pasi nga kontrolli i ushtruar në banesën e tij në Shijak iu gjet një sasi vere me logon e një subjekti tjetër, veprime këto që bien ndesh me vendimin e gjykatës.

Njoftimi i policisë:

Vendosi lëndë eksplozive në një objekt biznesi, identifikohet dhe arrestohet në flagrancë nga Policia.

Vihet në pranga edhe menaxheri i lokalit në pronësi të autorit të dyshuar, pasi nga kontrolli në mjetin e tij Policia gjeti dhe sekuestroi një armë zjarri pistoletë.

Sekuestrohen një armë zjarri pistoletë dhe municion luftarak.

Shërbimet e Komisariatit të Policisë Durrës, menjëherë pas njoftimit të marrë për shpërthimin e një sasie të vogël lënde eksplozive të hedhur mbi tarracën e një godine trekatëshe, objekt biznesi, në pronësi të shtetasit J. D., në lagjen nr. 14 Durrës, kanë organizuar punën dhe falë veprimeve të shpejta hetimore dhe profesionale, bënë të mundur identifikimin, kapjen dhe arrestimin e autorit të dyshuar, shtetasit: G. M., 44 vjeç, banues në Shijak.

Nga shpërthimi i lëndës eksplozive janë shkaktuar dëme të vogla materiale.

Në vijimësi të veprimeve hetimore u arrestua në flagrancë dhe shtetasi B. Z., 34 vjeç, banues në Shetaj, Durrës, menaxher i lokalit në pronësi të shtetasit G. M., pasi nga kontrolli i ushtruar në automjetin e tij, shërbimet e Policisë gjetën dhe sekuestruan në cilësinë e provës materiale një armë zjarri pistoletë, me një karikator me 7 fishekë luftarakë.

Gjithashtu në vijim të veprimeve u procedua penalisht edhe vëllai i autorit të dyshuar të ngjarjes, shtetasi A. M., 46 vjeç, banues në Shijak, pasi nga kontrolli i ushtruar në banesën e tij në Shijak iu gjet një sasi vere me logon e një subjekti tjetër, veprime këto që bien ndesh me vendimin e gjykatës.

Në përfundim të veprimeve procedurale, materialet iu referuan Prokurorisë pranë Gjykatës së Shkallës së Parë Durrës, në ngarkim të shtetasit G. M., për veprat penale “Shkatërrimi i pronës me eksploziv”, “Kanosja”, “Mbajtja pa leje e armëve dhe municionit”; në ngarkim të shtetasit B. Z., për veprën penale “Mbajtja pa leje e armëve dhe municionit “dhe në ngarkim të shtetasit A. M. për veprat penale “Shkelja e të drejtave të pronësisë industriale” dhe “Veprime në kundërshtim me vendimin e gjykatës”.