Live TV
Hantin Bonati është emëruar në krye të kompanisë AlbControll.
Bonati, i cili ka mbajtur detyrën e zv.Ministrit të Infrastrukturës dhe Energjisë, që prej vitit 2017, nga sot do të jetë në krye të kontrollorëve ajrorë të Rinasit.
Ju gjithashtu mund të pëlqeni
Hantin Bonati do të zëvendësojë në këtë detyrë drejtorin Mina Kusta. Ky i fundit u emërua në fillim të vitit 2019 si drejtor i AlbControll, pas ikjes së ministres Belinda Balluku.
Kontrollorët e Rinasit u bënë objekt debate para zgjedhjeve parlamentare, pasi u rebeluan dhe morën peng aeroportin.
Ata ndalën punën me arsyetimin se për shkak të uljeve të pagës ata kanë pasur stres si pasojë e rënies së financave në familje dhe janë deklaruar paaftë për punë
Kjo bëri që ata të ndërpresin punën e tyre duke pezulluar fluturimet në Aeroportin e Rinasit.
Nga Ministrja e Infrastrukturës, Belinda Balluku, ky rebelim u cilësua si një grusht shteti me prapavijë politike.
Ulja e pagave nga 4500 dollarë në 2400 dollarë të kontrollorëve të trafikut ajror ka ndodhur si pasojë e rënies së fluturimeve në aeroportin e Rinasit për shkak të pandemisë që pati sjellë pezullimin e tyre në të gjithë botën.
Nga prilli 2020 paga e tyre ka pësuar ulje pasi vetë trafiku ajror ka rënë me -57 % ose thënë ndryshe aeroporti i Rinasit gjatë viti 2020 ka punuar me 43 % të trafikut ajror krahasuar me 2019.
http://www.kopliku.tv
Call +355 211 22840