Live TV
Presidenti i Parlamentit Evropian, David Sassoli ka bërë thirrje për anëtarësimin e shteteve të Ballkanit Perëndimor në Bashkimin Evropian, duke thënë se zgjerimi i BE do të ishte pozitiv për paqen dhe prosperitetin.
Megjithatë tha Sassoli se sa shpejt këto vende mund t’i bashkohen BE-së varet nga përmbushja e kritereve të pranimit nga vendet e Ballkanit Perëndimor.
“Reformat duhet të përfundojnë ende në secilin prej këtyre vendeve, por Bashkimi Evropian duhet gjithashtu të mbajë premtimet e tij dhe të njohë progresin”, tha Sassoli
Ju gjithashtu mund të pëlqeni
Shqipëria dhe Maqedonia e Veriut janë kandidatë zyrtarë për të nisur negociatat me BE, por procesi është bllokuar për shkak të vetos që Bullgaria vuri vitin e kaluar për Maqedoninë e Veriut mbi një mosmarrëveshje të gjuhës dhe historisë. Bullgaria akuzon Maqedoninë e Veriut për “vjedhjen e historisë” dhe kërkon që Shkupi të pranojë se si identiteti ashtu edhe gjuha e saj janë bullgare.
Për BE situata konsiderohet problematike sepse Ballkani Perëndimor është synim për rritjen e influencës së tyre edhe të vendeve si Rusia, Kina dhe Turqia.
Thirrjet e liderëve të BE se vendi i Ballkanit Perëndimor është në gjirin e saj dhe integrimi i vendeve duhet të ndodh sa më shpejt janë të shpeshta, edhe pse procesi shpesh bllokohet nga vetë vendet anëtar gjatë votimit në Komisionin Europian. Parlamenti Europian ka qenë pro prej vitesh tashmë për hapjen e negociatave të BE-së me Shqipërinë dhe Maqedoninë e Veriut, edhe pse shkaqet të ndryshme janë bërë gjithmonë pengesë që kjo gjë të mos ndodhë.
http://www.kopliku.tv
Call +355 211 22840