Kriza e energjisë vazhdon/ Dimri pa reshje rëndon bilancin e energjisë

vlcsnap-2020-01-17-15h20m58s090.png

Viti i kaluar ishte një nga më të vështirët për sektorin energjetik, por kriza vazhdon.

Operatori i Shpërndarjes ka nisur sërish të importojë energji në sasi të mëdha nga jashtë për shkak se prodhimi vendas është i ulët.

“Vetëm për janarin kemi blerë 20 milionë euro”, është shprehur Elton Sevrani. Rezerva hidrike në vend ndodhet në kuota minimale. Shpresa e KESH dhe oshe tani janë reshjet e pranverës, në të kundërt vendi mund të përballet me një tjetër krizë të rëndë energjetike

“Prej 16 muajsh situata hidrike është problematike. Ne jemi duke vlerësuar skenarët me kesh. Nëse do përsëritet situata e vitit të kaluar atëherë financat e kompanisë do tkurren”, ka shtuar më tej ai.

Rënia e prodhimit vendas të energjisë ka dy pasoja të rënda, ngadalëson rritjen ekonomike dhe trondit financat e sektorit publik të energjisë, pasi energjia që blihet nga importi është 6 herë më e shtrenjtë nga ajo që prodhon KESH në vend. Për këtë arsye, pas katër vitesh me fitim, vitin e kaluar OSHEE e mbylli bilancin me 60 milionë euro humbje.

Vitin e kaluar humbjet e energjisë ranë me mbi 2 pikë përqindje duke arritur në nivelin 21.8 për qind. Por pavarësisht se ky është niveli më i ulët historik, sërish shpenzimet e larta për importin e energjisë e kanë vënë kompaninë në vështirësi financiare. Një bilanc që tregon se ekonomia vazhdon të mbetet e varur fort nga sektori energjetik, ndërsa ky i fundit nga kapriçot e klimës../Klodian Tomorri/

Leave a Reply

Your email address will not be published. Required fields are marked *

scroll to top